香港雖然面積細小，但四處都是寶！
不但有著香港聯合國教科文組織世界地質公園，更有美麗的海岸公園；宏偉的自然美景能媲美世界級景點。
今次由蒙娜麗莎Monalisa Bridal Salon新一輯代言人Jasmin & Billy帶你遊走香港兩大世界知名自然美景，並分享拍攝事前準備及感想。
Jasmin ：「早前因為疫情影響做運動嘅關係，啲鬼鼠肉都出咗嚟，所以今次拍攝可以話係一個藉口迫自己keep fit。朋友介紹咗佢相熟好專業嘅personal trainer ，幫手設計一個重點減肥嘅programme，去應付修身剪裁嘅婚紗。」
Jasmin ：「拍攝當日真係如我哋所料，熱完又落雨。過程雖然辛苦，但係好熱血同好青春，有跑有跳，有攀山有攀石。全靠製作團隊嘅努力，我哋好好彩可以完成當日嘅拍攝，我哋兩個仲可以話有額外嘅收穫添。
因為我哋兩個平時都絕少會到郊外拍拖行山打卡。我自己其實幾鍾意行山，出一身汗同埋呼吸新鮮空氣，但係我每次到郊外都一定會代表其他人餵蚊，而且我好容易就會曬到一身蜜糖膚色，都會有少少影響平時嘅拍攝工作。相反我老公就係百分百都市人，好怕喺郊外一身汗。 」
世界級自然靚景拍攝地點1：萬宜水庫東壩
萬宜水庫東壩是香港聯合國教科文組織世界地質公園的重要景點之一，水庫東壩附近的山崖，以前是建設水庫時開闢的採石場，開鑿後的山崖露出酸性火山岩六角形岩柱，是世界罕有地理奇觀。而防波堤上就有7000多個巨型錨形石，場面壯觀。除了山景石景外，萬宜水庫東壩的海景及水庫景觀，有山有水是一個多樣化的拍攝場地。
Jasmin ：「今次拍攝最後我哋喺東壩完成，太陽開始落山又有得對住個海吹住海風，我老公都竟然話幾舒服同埋發現原來親身睇香港都有啲咁靚嘅景色。睇嚟呢個成日有人去拍攝嘅埸地終於令我有機會帶埋我個Instagram husband去扮下山系女生喇！」
Jasmin ：「我哋影婚紗相其實都算駕輕就熟，我之前直頭post到俾朋友話我係婚禮KOL。但係每次拍攝，我哋其實都覺得好sweet，好珍惜呢啲紀錄我哋相愛同成長嘅機會同回憶。今次嘅完成品好有日本同台灣電影海報嘅感覺，係一個我哋未試過嘅風格，我哋都好滿意。俾咗屋企人同朋友睇之後，佢哋都叫我哋夫妻檔出道。我梗係覺得我老公靚仔啦，佢仲好有表演經驗添，我都叫佢公開自己嘅社交平台。不過佢平時都係比較怕羞，話未ready喎，而且佢工作暫時都比較難安排時間，所以我就唯有繼續喺YouTube 度train下佢先啦。」
世界級自然靚景拍攝地點拍攝地點2：海下灣
海下灣海岸公園是香港首批成立的海岸公園之一，也是香港其中一個最美麗的海灣。水質清澈能拍出藍天碧海美景，水清沙幼的岸灘也是暢玩獨木舟的勝地。海下遊客中心位於西貢西郊野公園一個美麗的林地內，現代化的工業風建築與環境造成有趣對比，為婚照加添時尚感。
Jasmin ：「因為自從今年轉咗做self-managed artiste之後，YouTube都係我其中一個想繼續重點經營嘅平台。可以俾空間試自己有興趣試嘅嘢之餘，仲可以用自己嘅鏡頭將最屬於我自己嘅內容俾大家睇；而其中一部份我當然會拉埋我老公落水同大家傾下計啦！
最後，希望咁多位準新人都可以好順利好甜蜜美滿咁安排你哋嘅人生大事啦！ God bless us all!」
Monalisa Bridal Salon 蒙娜麗莎婚紗攝影設計
地址：尖沙咀漆咸道南87-105號百利商場地庫 Bzone Shop B046
總店 : 九龍塘窩打老道159號
Customer Hotline : 2368 846
WhatsApp/Signal : 9301 7128
