日前，34歲的江若琳（Elanne）榮升大姑奶，細佬Howard同拍拖3年女友結婚。
Elanne特別於IG分享當日婚照，大讚靚女弟婦係「完美既老婆」，叫細佬唔好蝦佢！
Elanne仲分享咗一張於2014年同細佬一齊影嘅舊相，公開取笑細佬「幸福肥」身形暴脹，自從拍拖後「身形暴脹到一個一發不可收拾嘅地步」，激勵細佬振作減肥～ 網民笑言弟婦真係照顧得細佬好好。
Elanne留言：「我最愛既細佬結婚了 @knkiwi
恭喜你搵到一個咁好咁完美既老婆 連我都好愛佢既好女仔
由於佢好到自從你地拍拖後見證住你身形暴脹到一個一發不可收拾既地步都知你食得好訓得好，生活愉快從此我無野好擔心你了！因為你被照顧得好好
老套野唔多講希望你生生性性，乖乖地，唔好見個老婆好蝦就蝦佢
因為如果你地鬧交我係唔會幫你的，因為一定係你唔岩！完！
@chs.jckwong 家姐愛你～
圖3攝於某年細佬陪我拍戲 望下當年你靚仔既容顏，瘦瘦既身形，可唔可以振作返少少
9/9/2022」
對於婚姻，江若琳（Elanne）曾經於IG分享自己的睇法，多謝老公出現為她帶來真正的幸福。
「我的人生上半場一直覺得幸福離自己好遠，遇到他之前，我好像沒有一天是開心的，他的出現改變了我崩潰的一生，他教會我堅強，教會我快樂的價值。他告訴我 ，所有天大的事情他都會幫我扛下來，我只需要繼續簡單快樂地生活就可以。 廣告 你以為這是他的甜言蜜語，他卻默默用行動實現我的堅持我的夢想！有時候，我覺得如果他沒有娶我，也許他正過著超級舒服安逸的日子，就因為我，他承受了太多……很想說一聲對不起，我沒有辦法用言語形容我對他的感激，但我會用我的一生來還給你。#一個失眠的太太想對先生說的話」
