雖然疫情仍然持續，
但2021年有不少藝人選擇與另一半拉埋天窗，其中更不乏雙喜臨門，
婚禮亦有簡單有隆重，邊一對又令你最驚喜？
一齊回顧10對2021年結婚的藝人。
湯怡於年頭宣布雙喜臨門，在2月26日同老公麥秋成舉行婚禮，B囡麥QQ於父親節出世。
《東張西望》前主持林泳淘（Wingto）5月同拍拖14年嘅初戀男友林卓立註冊結婚。二人原定本計劃喺外地舉行婚禮，由於疫情關係改為喺香港簽紙，舉行小型輕婚禮。
洪永城與拍拖三年嘅模特兒兼健身教練女友梁諾妍（Inez）於7月11日在尖沙咀瑰麗酒店舉行婚禮。洪永城當日接受訪問時，大方承認「雙喜臨門」，表示太太懷孕約4個月，BB洪寶寶於12月出世。
主播可宜 同「甲一籃神」鄭錦興於8月8日舉行婚禮，邀請約180位到場；由於疫情關係一眾賓客要打齊防疫針先可以參加婚宴。
陳詩欣（Eunice）7月宣布同電競公司高層陳爾正（Joshua）結婚。二人於十月在伯大尼小教堂舉行婚禮。姐妹團包括：蔡嘉欣、鍾晴、陳約臨、方詩揚、余香凝、鄧穎堯，伴郎就有陳爾正嘅老友鍾培生（Derek）。
十月，戴夢夢突然宣布閃婚，嫁比從事金融行業嘅圈外男友Kyle。二人於11月灣仔君悅酒店擺酒，筵開8席。
11月，前女子組合As One成員陳苑澄（Tania）同酒行太子爺Gary結婚，於2022年1月頭透露懷孕陀B女。
31歲藝人蔡穎恩（Evelyn）同電影攝影師男友譚運佳拍拖8年，11月於金鐘某酒店戶外花園舉行婚禮，約50位賓客見證二於維港前簽字結婚 。
34歲張秀文被傳媒發現同「皮草太子爺」王大業嘅堂弟王大權（Billy）秘密拍拖一年，於11月認愛兼分享結婚相，宣布閃嫁，婚禮在12月舉行。
於TVB《愛．回家之開心速遞》中飾演「大小姐秘書」Mandy的藝人謝芷倫在12月底分享婚照宣佈出嫁。
