2022年，娛樂圈不時傳出喜事，
女藝人成為幸福人妻後宣布懷孕好消息，
除了分享靚靚孕照外，仲大曬B仔B女可愛寫真。
即刻睇吓今年邊個家有喜事～
江若琳
35歲江若琳同與老公蕭唯展（前名 #蕭潤邦）喺今日12月結婚4周年嘅日子，喺IG分享喜悅宣佈終於懷孕好消息。
江若琳表示BB係一份渴望好耐而又彌足珍貴既聖誕同結婚週年禮物， 二人等足4年，經歷過不停既嘗試又不停咁失敗，終於成功懷孕，時間不遲也不早，來得剛剛好～
陳宇琛太太林佑蔚（Camille）
石修兒子陳宇琛同有線前主播林佑蔚（Camille）結婚5年，今年12月宣布囡囡Luna Willow順利出世。陳宇琛喺IG報喜分享一家三口手拖手全家福，並留言大讚太太唔使2個鐘就成功分娩「最強孕婦不是浪得虛名」，仲話囡囡係有史以嚟最好嘅聖誕禮物。
倪晨曦（Elva）
11月17號，倪晨曦（Elva）宣布細仔Evren出世，組織一家四口家庭。Elva喺IG分享BB新生寫真同埋全家福，畫面非常溫馨。
倪晨曦留言：「滿月快樂弟弟，繼續吃飽喝足睡好的日子 健康快樂的成長
爸爸媽媽哥哥也會繼續吵吵鬧鬧的陪在你身邊。」
陳凱琳
11月底，陳凱琳（Grace）同老公鄭嘉穎宣布五年抱三，Grace第三度懷孕，即將組織幸福一家五口。
鍾嘉欣
2015年，藝人鍾嘉欣閃嫁脊醫老公Jeremy， 婚後育有大囡Kelly及細仔Jared。嘉欣喺今年38歲生日時宣布再做媽媽，懷上第3胎，細囡喺今年10月出世。
陳柏宇太太符曉薇
2017年，陳柏宇（Jason）同當年拍拖5年嘅太太符曉薇（Leanne）拉埋天窗，婚後育有一女Abi。呢幾年嚟，太太經歷宮外孕及畸胎，兩度流產，更要切除左邊輸卵管，今次終於再次懷孕的確係一份「得來不易嘅禮物」；Jason同太太同步喺IG分享呢個好消息，朋友都網友都替佢哋開心～
李璨琛太太梁志瑩
2012年，李璨琛同時裝設計師老婆梁志瑩結婚。太太喺2018年誕下囡囡李元元（Lucy），媽媽經常喺社交平台分享Lucy搞笑生活片段 ，獲得好多網友歡心。9月，Lucy媽媽趁老公生日，喺IG分享開心嘅消息，宣布再次懷孕。
梁靖琪
2019年，梁靖琪 (Toby) 同與圈外老公施雋賢(Jonathan) 結婚，同年誕下大仔施睿文(Roman)。今年4月爸爸Jonathan喺IG報喜，話細仔已經出世，重6磅，改好名叫施睿安(Rian)， 佢話仔仔個名包含人民領袖嘅意思，希望仔仔長大會成為有權力嘅男人。
何雁詩
何雁詩 (Stephanie)同鄭俊弘今年初宣布喜訊，何雁詩喺IG公佈BB喺6月1號國際兒童節順利出世，BB英文名叫Asher Douglas，眼睛好大 ，佢撰寫長文分享生產過程，文中提到Stephanie到咗醫院後經歷一輪陣痛，盆骨快要撕裂，好彩有麻醉師救命，而整個過程都有老公替佢打氣，最後費盡九牛二虎之力將寶寶推出嚟。
雨僑
2018年，雨僑同老公羅力威結婚，現育有2歲囡囡Harper。今年37歲嘅雨僑於9月喺IG宣布喜訊，表示懷有二寶。
吳雨霏
Kary吳雨霏同老公洪立熙（Brian）婚後育有一仔一女， 一家四口非常幸福 。佢喺36歲生日當日喺IG自爆第3胎已經喺6月6日出世。
陳苑澄
舊年11月，前女子組合As One成員陳苑澄同酒行太子爺Gary結婚，年尾宣布懷孕好消息。6月，佢喺IG分享初生囡囡照片宣布BB順利出世，陳苑澄當日經歷陣痛到BB出世有20多小時，感謝醫生、護士陪伴佢咁長嘅過程。
蔡明思（Jessica）
三年前，前女團Super Girls（SG）成員 #蔡明思（Jessica）同台灣老公陳冠廷結婚。今年4月，佢喺IG報喜話囡囡已經順利出世，英文名叫Sersi，雖然細細粒5磅幾，但非常健康，聲音響亮。
陳嘉寶（Anjaylia）
陳嘉寶（Anjaylia）同老公黃頌祈（Epaphras）誕下第3胎，細囡取名Azaliah，由於老公係基督徒，所以佢話個名係從聖經中搵出嚟。Anjaylia嘅預產期本來喺去年年尾，但B女留到今個月初先出世，好在母女平安，成為2022年首個出世嘅星B。
