近日網民在連登討論區發帖，表示同媽媽傾禮金時，阿媽表示禮金給好意頭數字就可以，例如：$131400、$168888、$188888。但樓主覺得對月入50K的男家，十幾萬的禮金可能太高，所以出帖教請巴打。
△原文（連登討論區截圖）
網友回覆：
「正常係男方年薪一半」
「真心禮金無公價，我有fd 真係俾8千8都一樣無問題
睇你地兩個覺得負唔負擔到。如果有能力俾到就寧願滿足女家要求，廢事俾外母講一世。例如我外母收完d 錢有一半都係拎返黎買野俾我老婆，咁件事又已經唔同左」
「除咗禮金仲有酒席，不過要得人幾多就要回返幾多啦，除非真係賣女㗎啫」
「重點唔係比幾多，係女家回幾多，你話收388888回8888比你就話大咬姐，如果回一半另加一堆金器其實實際比既錢唔會好多」
禮金公價係幾多？
1. 2023年禮金中位數為港幣6萬8千元
自2013年起，禮金中位數一直維持在38,000至39,999元
有本地機構曾進行調查，結果顯示2023年的禮金中位數已增至6萬8千元。
2. 禮金數目宜忌
禮金數目當然著重意頭！一般為38,888元、68,888元或88,888元，要避免「4」字，尾數也要避免出現單數，如：1,3,5,7等。
宜：$38,000（生發）、$38,888（生發）、$39,999（長久）、$100,000（十全十美）
忌：$52,888（唔易發）、$58,888（唔發）、$48,888（避違「死」字）
3. 長輩對禮金期望
專家指約一成新人會因禮金起爭執，雖然「講錢傷感情」，不過現在的父母都較開通，不妨讓女方先向父母「摸底探口風」，知道他們的期望，再商量一個大家都認為合適的數目。
4. 非官方參考：男方三個月的人工
在香港流傳禮金數目一般為男方約3個月月薪總和的說法，或是婚禮開支約一成，再擇取吉利銀碼。
5. 禮金回禮回幾多？
禮金回禮沒有固定的數目，通常是回禮禮金一半或者禮金尾數給男家，例如收取$68,000禮金，可以回禮$8000，或$38,000。
6. 禮金一定要俾現金？
唔一定！物業、酒席、股票都可視為「禮金」。
