無綫處境劇《愛．回家之開心速遞》中飾演「賈名媛」的邱芷微（Chelffy），憑該角色成功入屋，並且戲裡戲外都對「武夫佬」一往情深，將於明年2月28日與拍拖10年、曾參與無綫節目《功夫新星》的陳志忠（Wilson》拉埋天窗！
兩人近年都曾經歷健康挑戰。陳志忠於2020年確診胃癌，接受手術切除七分之八的胃以保住性命。陳志忠說：「做咗一年化療，依家recover得非常之好，連我主診醫生都有問我，如果有講座可唔可以同其他病人分享一下。」他指患癌並不可怕，最重要是積極治療「早啲知早啲醫」，他續說：「我發現時係第一期，但胃癌一定要切咗個胃（7/8）先可以攞去做化驗，咁先知你第幾期。」4年過後，陳志忠康復情況理想，已回復昔日的健碩身材，「喺醫生角度我係完全好返晒，不過要定期去檢查，自己飲食亦會小心啲。」
邱芷微則長年受到類風濕關節炎困擾，需要長期服藥。然而，因為兩人非常喜歡小朋友，早早開始為將來生育做準備。她說：「我哋係比一般人再計劃多啲，唔簡單，要好小心！我哋要提早半年至一年，醫生都同我度點轉藥或停藥方案，現在我控制得都好好，停咗生物製劑，慢慢減淡，其實都唔錯。」
談及婚禮籌備，邱芷微坦言進展順利：：「當求婚新聞一出，就好多朋友出聲話幫我哋手，充滿愛及關懷。」婚禮亦會邀請《愛．回家》一班演員，陳志忠說：「好似開Party咁，大小姐（林淑敏）都搵咗，我同佢識咗仲耐過Chelffy，求婚片都有搵佢幫手。」
至於婚紗照拍攝，他們用了一個月時間籌備，選擇影樓和黃金海岸等地取景。拍攝當天天氣晴朗，攝影師與化妝師都十分貼心，令整個過程輕鬆愉快。邱芷微說：「雖然我同Wilson唔係第一次影相，但穿上婚紗嘅感覺真係完全唔同，真係［一步一腳印，幸福又興奮］。」
婚紗攝影 @monalisabridalhk
婚紗晚裝及男士禮服 @hkweddingplace
Wedding Planner @oliviac2903
