我老公係咪性冷感

編輯:


你好。

我同老公相睇認識,但我哋都係拍拖一年先結婚,算係有戀愛的過程。結婚前無婚前性行為,我都係個正常的女人,對性有渴望,但結婚後老公一直都無掂我。其實佢大把機會掂我,全屋得我哋兩個,又無老爺奶奶阻住晒。每一晚都獨守空房,我仲以為自己係個寡婦。之後我提出不如一齊去睇婚姻輔導,其實都幾有效,睇完兩次,佢就主動接近我,嘗試了第一次,點知一擊即中,我就咁就懷孕了。


我係剖腹產子,有傷口,加上我係個下下都大驚小怪和怕痛會大叫的人。結婚3年,一年後先第一次閨房樂,豈料也是最後一次。生BB後佢都無再掂我,佢的藉口係話我怕痛,唔想整親我。但係傷口一年咁耐咩都好返晒啦!


我唔知佢諗緊咩,以前會主動錫我,依家我要主動同佢講,「錫我、攬我」。而且假期仲成日約佢嘅男性朋友出去玩,唔理我和個女,對於呢段婚姻我真係無晒癮,其實佢係咪鍾意我?我哋應該繼續嗎?


阿詩





145 / 501
你可能感興趣的文章