編輯：
你好。
最近籌備婚禮遇上一個難題。我和男朋友籌備緊婚禮，仲有幾個月就結婚了，但係男朋友媽媽就突然同我男朋友講不如唔好擺酒，叫停婚禮。原因係男朋友婆婆去世了，唔適合擺酒。搞完一輪突然話唔擺得。聽咗之後真係好嬲。我唔知道點同父母交代，點同親戚講。諗起呢啲頭都大！
其實，兩個幾月前，佢婆婆去世，我已經問過男朋友和佢媽媽可唔可以繼續擺酒阿？佢哋都話唔緊要啦，可以繼續！而我阿媽亦都好緊張，去問人咁樣得唔得架，會唔會相衝架。
呢個根本就係一個藉口。事緣有次和男朋友和佢父母一齊吃飯。佢哋對我印象麻麻，就想搵藉口取消婚禮。聽到佢哋話要取消之後，我拒絕出席任何佢哋任何家庭聚會，咁男朋友父母都知道我嬲咗佢哋，我當然都嬲埋男朋友。佢父母見佢唔開心（男朋友係獨子），依家又話可以擺啦喎！呢件事我心裡面的一條刺。應該點好？繼續結婚，行禮當日一定面阻阻。又使唔使幫佢媽媽搵化妝。
Ling
